Dor wir mal eins ein Fruu, dei hadd ein luett Diern. Diss' hadd uemmer so'ne rode Kappe up, dorvon heit sei "Rotkäppchen".

Einmal seggt ehr Mudder tau ehr: "Rotkäppchen, gah hen un bring' Grossmudder 'n baetten Kauken un Wien hen, denn sei is krank!"

As Rotkäppchen in 'n Holt is, begegnet ehr dei Wulf. Dei seggt: "Wo willst du hen, Rotkäppchen?"

"Ick will Grossmudder Kaucken un Wien henbringen."

"Wo wahnt dien Grossmudder?"

"Dor hinnen in 'n Holt uenner dei groten Eiken."

Donn seggt dei Wolf: "Willst Grossmudder nich 'n poor Ierfbeeren un einen Blaumenstruuss mitnaehmen?"

"Ja" seggt Rotkäppchen.

Un uenner dei Tiet geht dei Wulf hen nah Grossmudder ehr Huus un kloppt an.

Donn seggt Grossmudder: "Wer is da?"

"Dat is Rotkäppchen! Ich bring di Kuchen un Wien!"

Donn seggt Grossmudder: "Drueck man up dei Klink!"

Donn geht dei Wulf hen un frett Grossmudder up.

Donn keummt Rotkäppchen un seggt. "O Grossmudder, wat hest du foer grote Ogen?"

"Dat ick di baeter sehn kann!"

"O Grossmudder, wat hest du foer 'ne grote Naes?"

"Dat ick di baeter roeken kann!"

"O Grossmudder, wat hest du foer grote Uhren?"

"Dat ick di baeter hueren kann!"

"O Grossmudder, wat hest du foer grote Haend'n?"

"Dat ick di baeter anfaten kann!"

"O Grossmudder, wat hest du foer ein grotes Muul?"

"Dat ich di baeter fraeten kann!" -- Un donn springt hei tau un frett Rotkäppchen up. Donn leggt hei sick weder in 'n Bett un snorkt.

Donn keummt dei Jaeger dir voerbei in seggt: "Wo snorkt dei oll Fruu so dull: Is sei so krink? Ick moet mal tauseihn." Un hei geht nu rin, un donn lieggt dei Wulf in 'n Bett.